घरगुती गॅस सिलेंडरचा काळाबाजार
पुणे, काळेपडळ पोलीस स्टेशनचे तपास पथकाचे सहा पोलीस निरीक्षक अमित शेटे, यांच्या मार्गदर्शनाखाली हद्दीत पेट्रोलिंग करीत असताना, पोलिसांना गोपनीय बातमी मिळाली की, माऊली गॅस एजन्सी, रेयान सलुन शेजारी, एआरव्ही सोसायटीचे समोर, हांडेवाडी रोड या ठिकाणी एका पत्र्याच्या गाळ्यामध्ये एक इसम हा घरगुती गॅसच्या टाक्यांमधुन छोट्या गॅसच्या टाक्यामध्ये गॅस भरत आहे. अशी बातमी मिळाल्याने, लागलीच वरील अधिकारी व अंमलदार वरिष्ठ पोलीस निरीक्षक मानसिंग पाटील यांचे मार्गदर्शनाखाली सापळा रचून त्या ठिकाणी जावुन छापा टाकुन कारवाई केली.
छापा कारवाईमध्ये एका इसमास ताब्यात घेवून त्यांना त्यांचे नाव, पत्ता विचारले असता, त्यांनी त्यांचे नाव विकांत राजकुमार जाधव, वय २२ वर्षे, रा. साईबाबा मंदिराजवळ, शोभा स्पर्श अपाटमेंट, फ्लॅट नं. १०२, ससाणे नगर, हडपसर, पुणे असे असल्याचे सांगितले.
ठिकाणावरुन ८० गॅस टाक्या वजनकाटा, गॅसट्रान्सफर पाईप असा एकुण १,३०,४३०/- रुपयांचा मुद्देमाल जप्त करण्यात आलेला आहे. पुढील तपास सहाय्यक पोलीस निरीक्षक अमित शेटे हे करीत आहेत.
कामगिरी ही डॉ. श्री. राजकुमार शिंदे, पोलीस उप आयुक्त, परिमंडळ ५ यांचे मागदर्शनाखाली सहाय्यक पोलीस आयुक्त, धन्यकुमार गोडसे, वानवडी विभाग, पुणे, मानसिंग पाटील, वरिष्ठ पोलीस निरीक्षक, काळेपडळ पोलीस स्टेशन, पुणे शहर, पोलीस निरीक्षक गुन्हे अमर काळंगे, सहाय्यक पोलीस निरीक्षक अमित शेटे, प्रविण काळभोर, अतुल पंधरकर, महादेव शिंदे, सद्दाम तांबोळी यांचे पथकाने करुन प्रशंसनीय कामगिरी केली आहे.
209
289
