महिला ट्रॅव्हल ब्लॉगरचे पाकिस्तानच्या गुप्तचर अधिकाऱ्यासोबत अनैतिक संबंध?

नवी दिल्ली : हरियाणातील हिसार येथील ट्रॅव्हल ब्लॉगर ज्योती मल्होत्रा हिला हेरगिरी आणि पाकिस्तानच्या गुप्तचर अधिकार्‍यांना संवेदनशील माहिती पुरवल्याच्या आरोपाखाली अटक करण्यात आली आहे.

भारत आणि पाकिस्तानने युद्धविरामावर सहमती दिल्यानंतर या आठवड्यात हरियाणातून झालेली ही तिसरी अटक आहे.

तपास अधिकाऱ्यांच्या म्हणण्यानुसार, ज्योतीचे एका पाकिस्तानी गुप्तचर अधिकार्‍याशी अनैतिक संबंध होते. आणि दोघांनी परदेशात विविध ठिकाणी एकत्र प्रवासही केला होता.

तिच्याविरुद्ध अधिकृत गोपनीयता अधिनियम, 1923 मधील कलम 3 आणि 5 तसेच भारतीय न्याय संहिता अधिनियमातील कलम 152 अंतर्गत गुन्हा नोंदवण्यात आला आहे. तिला पाच दिवसांच्या पोलीस कोठडीत ठेवण्यात आले आहे.